Paul Rudolf Uhl
Spenden
- am deutschen Wesen wird alles genesen...
Mia Deitschn san dafier bekannt:
Mir spendn vui– ja, und i moan:
Mia spendn Gejd, mia spendn Gwand
und Spendnzweck gibt’s ned grod oan…
Ganz wurscht, wos in da Wejt passiert:
Ob Hochwassa, ob Bergrutsch goar;
de Wejt hat des scho lang kapiert:
De Deitschn spendn – des is kloar!
Ob Hungersnot in Afrika,
ob Bürgerkriag im Kosovo,
Vulkanausbruch, Tsunami aa…
De Deitschn spendn sowieso!
Für d Aidshilfe, für n Kampf gegn Krebs,
nadierli gibts aa „Brot für d Wejt“…
Fürs Spendn findt si oiwei ebbs…
Ganz kloar, dass do da Deitsche zoiht!
Grod, wenn bei uns moi wos passiert:
Mei Liaba – do schaugn s olle weg…
I hätt des wirkli gern kapiert:
Is Deitschland denn a bsondrer Fleck…?
P.U. 17.01.06
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 14.09.2015.
- Infos zum Urheberrecht / Haftungsausschluss (Disclaimer).