Paul Rudolf Uhl
Der Nachbar
Da Nachbar an da nächstn Tür,
der is alloa, sei Wei is gstorbm…
Er is recht einsam, kimmts ma fier,
doch aufrecht und aa ned vadorbm.
Er griaßt recht freindli, redt ned vuj.
So guad wia nix woaß i vo eahm -
ned, ob er so alloa sei wuj?
Vielleicht is er ja gscheid und zeam*?
I glaab, i lod nan jatzt moj ei
auf an Kaffee, an kloana Ratsch -
es muaß ja ned so lang glei sei,
sunst wurat s goar a Nachbarstratsch.
Vielleicht grod moj oan Dog de Woch,
vo drei bis fünfe langat scha…
I glaab, des gfreiat eahm, ja doch -
und er bliaht auf, der arme Ma.
I red nan jatzt ganz gwieß moj o…
A Monat drauf liegt er im Grob.
Do duad s ma leid, dass i eahm do
ned wengal friahra eiglodn hob…
* prima, pfundig P.U. 02.10.15
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 05.10.2015.
- Infos zum Urheberrecht / Haftungsausschluss (Disclaimer).