Paul Rudolf Uhl
Ans Herz gewachsen
Im Anapaest-Rhythmus:
Ans Herz gwachsn is mia nadierle
mei Schatz, mei Gerlinde, de Guad…
Danoch glei, do kimmt mei Computa,
aa wann er recht spinna oft duad…
De Enkal? – De san scho erwachsn –
de Ur-Enkal wohna weit weg…
Do hätt i ja aa no an Bruada,
den i grod zwoamoj im Joahr sehg.
Mei Kamera is wohj de nächste,
is ojwei bein Roasn dabei !
Aa wann i mei Hoamat recht liab hob:
foahr vuj in da Wejt rum – ja, mei…
Jatzt is mia ans Herz no wos gwachsn:
Da “Schrittmacha” sogn se dazua.
Der is mia so ziemli am nächstn -
und Gründ dafier gibt s ja wohj gnua…
Anm.: Schrittmacher: nicht autobiografisch!
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 17.11.2015.
- Infos zum Urheberrecht / Haftungsausschluss (Disclaimer).