Paul Rudolf Uhl
Schlange steh'n
Und wann s zun Osteh is – ja, mei !
Du stehst zmeist in da fojschn Schlang,
wo s grod gaaanz langsam weida geht.
Du bist fast scho im Rückwärtsgang !
Im Supermarkt, do an da Kass
zohjt oana mit EC-Card glatt.
Jatzt dauert s lang und des is krass,
weil der sei PIN vagessn hat !
So konn s aa an da Mautstej* geh:
Vor dir oana, der konn ned zohjn…
Ja, oda – s Auto bleibt eahm steh;
Hint hupn s, weil se weida wojn…
Am Flughafn des gleiche Gspuj –
in wejcha Schlang di ostejn duast:
Stehst in da fojschn. - Hast des Gfuj,
dass d unbedingt jatzt wechsln muaßt…
Doch lass des bleibm und sei ned bled,
weil s drent dann goar ned weida geht…
* Mautstelle P.U. 05.12.15
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 07.12.2015.
- Infos zum Urheberrecht / Haftungsausschluss (Disclaimer).