Paul Rudolf Uhl
Fensterln
Zum Fensta waar i kemma heit,
doch d Loata gfundn hob i ned…
Du bist de Scheenste, bist mei Freid;
mecht eini liegn zu dir ins Bett…
Wo werd denn grod de Loata sei?
Dei Kammer is so houch da drobm!
Geh, kimm an d Haustür, lass mi ei,
i dua dia fast nix, daad s gelobm...
Psst ! - Ned so laut, sei staad und wart!
De Treppn knarrt so, zu mir rauf
und `s Haustürschloss geht aa so hart;
da Vadda wachat sunst ja auf…
De Loata loant grod hint am Haus,
bein Fensta vo da Kunigund…
Geh hintre und leih s da hoit aus !
Ihr Bursch is eh iatz scho fast drunt…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 28.12.2015.
- Infos zum Urheberrecht / Haftungsausschluss (Disclaimer).