d Feierdog obfastn

Da Fritz is z schwaar! - Mei, des is bled -
wuj obnehma – wann s irgend geht !
Vegan – hat d Frau gsogt – werd jatzt kocht,
weil Fritz auf s Obnehma so pocht…
 
Er duat sinniern - dann werd a blaß:
Ab heit gibt’s  aa  koan Lebakaas!
Es gibt koa Gsejchts mit Knödl, Kraut,
weil eahm des zruck ja wieda  haut,
 
koan Schweinsbro’n und koan Fleischsolod,
(weil üba s Gwicht er gjammad hod !)…
Er werd auf tausnd Kalorien gsetzt!
Aa Nochspeis gibt s ned, z guadaletzt *!
 
Er miaßt vazichtn auf sei Maß –  (1 Liter: 1000 Kalorien!)
des is dem Fritz ja sauba z krass!
A soichas Lebm konna ned füharn,
- drum mecht er d Fastnkur „vaschiabm“...

* zu guter letzt