Gehorsam

 
(wortgenauer...)        
 
Liaba Franzl – woaßt as eh –
daad ja so gern mit dir geh…
Grod:  da Vadda is dagegn:
Mecht mit eahm mi ned o legn!
 
Drum is s  gscheita, wann ma foahrn
mit Dein  oidn Daimler-Karrn:
Gega s  Foahrn hod er nix gsogt –
dass mi ned as Gwissn plogt…
 
Foahr mit mir zum greana See !
Woaß  a Platzl, do is s sche:
S gibt a Bankal ! – Stanteped’ -
trogst mi hi, na geh i ned…
 
Kunnt ma liegn und sitzn  aa,
Schmusn,  Bussln, Trallala…
Kunnt i  sogn, dass - in dem Sinn
i mit dir ned ganga bin!
 
* lat.:  stante pede, stehenden Fußes, sofort