Wieda heiran*?

„Sog, daads d du wieda heiran, Schatz,
im Fall, dass heit mit mia „wos waar“?
So sogt de Frau zu ihram Mo.
„Sei bittschee ehrlich, fojt s aa schwaar!“
 
„Glaab scho, i kimm ned ohne aus…“
Sogt sie: „Mei, des vasteh i gwieß…
Und wohnt se dann in unsam Haus?“
„Nadierli, weil s normal ja is!“
 
„Und schlaft se dann aa in meim Bett
und foahrt se mit meim Auto dann?“
„Ja, freili - sunst hätt i a Gfrett,
weil i koa neichs mehr kaffa kann!“
 
„Und kocht se dann in meina Küch,
sitzt in mein Fernsehsessl drin?“
“I woaß no ned – beruhige dich;
hob no ned nochdenkt, nix im Sinn!”
 
„Und spujt se Golf mit meine Schläga?“
„Naa, naa, auf koan Foj, des is gwieß,
des konn i dia fest garantiern,
scho, weil sie Linkshänderin is!“
 
* heiraten                                                       P.U.  30.01.16