Paul Rudolf Uhl
D Starl...
Hob gsehgn, de Starl san wieda do!
Unglaublich - jatzt scho, um de Zeit!
Weil, wann de do moj eifliagn – Mann -
na is da Frühling nimma weit…
De kemman ja aus Afrika,
san heimisch bei uns wor’n.
Im Winta fliagn se wieda zruck,
bei uns waarn se dafrorn…
Da Star, der hat a recht scheens Gwand,
des schillert, wos mia gfojt.
De Manndl pfeifn: Fiuuu und fiuuu
So lockn s d Weibal hojt…
Dazua speizt a de Flügl weit,
und sitzt recht flatternd rum
und schreit und duad, bis oane kimmt.
I find des goar ned dumm…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 22.02.2016.
- Infos zum Urheberrecht / Haftungsausschluss (Disclaimer).