Glyphosat im Bier

Der US-Konzern Monsanto macht alleine mit Glyphosat einen Jahres-
umsatz von 2 Milliarden $... TTIP lässt grüßen! Inzwischen sind die
Äcker voll damit. Weltweit geht deshalb die Artenvielfalt zurück…
 
Wos muaß i in da Zeitung lesn?
Im Bier soj Glyphosat drin sei !
Se schreibm, des is scho lang so gwesn,
a Unkrautmittl habm s do nei…
 
De Darmflora soj s vielleicht schona,
dass zwischn dene Bleame drin
koa Unkraut wachsn konn, ja – oda
vielleicht hat s no an andan Sinn:
 
Im Plumpsklo konn koa Unkraut wuchan…
Ah – Schmarrn, wer hat denn so oans no?
D Fäkalienleitung soj s frei hojtn?
Irgnd an Sinn hat s vielleicht scho…
 
I moan, wenn in dem Glyphosat drin
gnua Bier is, konn uns nix passiern.
Ab tausnd Maß erst wurats* gfährli –
De Dosis zastört eh as Hirn…
     
De Wissnschaft is ned ganz sicha:
Krebs konn aa scho ganz weng erregn!
Vor dreißg Joahr war Glykol im Wein drin…
Jatzt schau ma moj, na wern ma s sehng!
 
* würde es                                                   P.U. 29.02.16