Paul Rudolf Uhl
Pollenallergie
April: d Natur, de explodiert,
es bliaht an Endn und am Eck…
De Pollen fliagn – i hob s kapiert -
des reizt de Schleimhäut - ja, varreck!
De Nosn rinnt, muaß niaßn und
de Augn san greizt, da Eiter rinnt…
Und wach i in da Friah dann auf,
san s zuapappt und drin ganz entzündt.
A Bindehautentzündung is,
so sogt da Dokta und vaschreibt
spezielle Tropfn – hejfn gwieß,
moant er, wann da Patient ned reibt…
Und gega d laufad Nosn – mei –
a Antihistaminikum.
Pass auf, dass d miad werst, konn scho sei,
zun Autofoahrn, do is hojt dumm..
Bei Kreuzfahrt aba, aufm Meer,
do fehjt dir nix – ja, bitte sehr!
Grod: Ob s de Kranknkasse zohjt?
Des is a wengal fraglich hojt!
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.03.2016.
- Infos zum Urheberrecht / Haftungsausschluss (Disclaimer).