Fastenzeit

De Fastnzeit, de druckt mi fei !
Do geht s ma ziemli schlecht:
Min Frühstück geht s jedn Dog scho o,
weil i ja fastn mecht:
 
Vazichtn auf mei Wurschtbrot und
fast nia a Fleisch z Middog,
wo mi da Kohjdampf* doch so beißt
und  Schweinas i gern mog!
 
I woaß ned, wia i s durchsteh soj:
auf d Nacht statt Bier an Tee
und koan Schok’lad so zwischndrin,
des duad ma wirkli weh!
 
Do muaß i durch, do hejft ma nix,
drum bleib i ganz zaach** dro:
I fang, wann i den Wujn*** dann hob,
Karfreidog vielleicht o…
 
* Appetit    ** zäh    *Willen              P.U.  12.03.16