Paul Rudolf Uhl
Etwas vom Pferd
Mei liaba Freind, vazähj ma nix
vom Pferd und so – i kenn mi aus!
Weil mit a poar vo dene Klicks
hoj ojss i schnej bei google raus.
In Bayern hoaßt des meistns Ross
und manchmoj sogt ma bessa Gaul
(taugt so a Viech zun Ackern bloß)
und doch is so a Pferd ned faul !
A Pferdl wann zun Reitn is,
dann is oft rassig und recht schlank.
Doch wanns wos hintn ausse lasst,
na hat s ganz gwieß den sejbn Gstank…
Bei mia dahoam, da steht a Pferd,
des hat so Flügl seitlich dro.
Mei Pegasus, der is vuj wert,
den reit i jedn Dog fast scho….
Und hintn kemman Versal raus,
i hoff , sie gfojn eich scho a weng?
Wenn ja, dann gebt s mia an Applaus,
falls naa, dann werd s mi nia mehr sehgn!
(nicht ernst gemeint!) P.U. 01.05.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.05.2016.
- Infos zum Urheberrecht / Haftungsausschluss (Disclaimer).