Wo iss'n "Dahoam"?

 
                                           ubi bene, ibi patria*
 
Dahoam bin i am liabstn gwieß     
do, wo i her kimm, ma mi kennt,
und wo in d Schuj i ganga bin,
wo i mi wohj fühl, d Hoamat is,
und wo ma hi gheart ja, am End.
 
Doch, bist lang weg scho vo dem Oart
und sehgst, dass vuj is andast worn…
Ja, und ma kennt di do no kaum, 
na gehst ganz leicht du wieda foart,
wo di de Muadda hat geborn.       
 
Nadierli kennst di no guad aus,   
doch is da Lindnbaam scho weg,  
du findst de Freind aa nimma mehr
und obgrissn dei Vatahaus,           
na gfojt s dia nimma an dem Fleck.
 
 „Dahoam“ des is a Plotz, wo s d rast…
Wo s d herkimmst? Naa, a Gfuhj is grod.
S is wichtig, dass dia guad wo geht…
Do, wo s d jatzt lebst und Freindal hast.
Des wieda aufgebm, waar doch schod!
 
Vielleicht gibt's no a Klassntreff       
jeds fünfte Joahr am ojdn Oart…
De sehgst ned oft, kaum kennst no oan.
Na is ganz leicht, gehst wieda foart, 
do hi, wos d Freind hast, wia i moan...
 
* Wo`s mir gut geht, ist mein Vaterland (Cicero)      P.U. 14.05.16
    Ist das auch das Motto von Asylbewerbern?