Paul Rudolf Uhl
Eulen nach Athen
Nach einer Glosse von Wolfgang Hildesheimer:
I wojt wos ganz wos bsundas doa…
Wia waar s mit Eulen noch Athen?
Hob zerscht moj googlt, wos des hoaßt:
Da Aristophanes, der war dagegn…
Do hob i glesn, dass koa Eul’,
sondan a Stoakauz ja miaßt sei.
Im Zoogschäft hob i dann oan kafft,
im scheena Messing-Käfig… Mei –
und aa gnua Fuadda no dazua,
damit da Kauz de Roas dalebt.
Und mit n Zug bin i dann gfoahrn,
dass ja mei Kauz ned z hoch dann schwebt:
Orient-Express… Drin im Abteil,
do hockt a Ma, der hat mi gfrogt,
ob i ned woaß, dass ma goar nia
a Eule noch Athen hi trogt…
Und in Athen, do bin i dann
auf de Akropolis glei nauf.
Am Panthenon, do lass i n aus,
Er hockt si auf an Templ drauf…
I woaß, i hob wos Klassisch do!
Noch zwoa Dog bin i hoam dann gflogn
und glei ins Zoogschäft – do hockt scho
mei Kauz ! – Ja, und des is ned glogn !
P.U. 26.05.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 28.05.2016.
- Infos zum Urheberrecht / Haftungsausschluss (Disclaimer).