Paul Rudolf Uhl
Ojsse OK?
Bin oid und miad – mia geht s ned guad…
Zun Dokta ganga – wia oj Joahr:
As Bluat obzapft - s werd untasuacht –
De findn gwieß wos – des is kloar…
Und Sehtest, Hörtest, EGK;
de Hirnström funtioniern normal;
naja – da Bluatdruck: hundatvierzg !
Erhöht … – Doch des is ned fatal…
Dann Roentgen und Sonographie:
de Leber, Nieren, Blosn und
Pankreas und de Prostata…
Jatz hob i gwieß zun Fiarchtn Grund !?
Doch naa – er findt nix – oiss OK,
aa d Lunga – d Haut, is nix zun sehng…
Noch drei Dog is mei Bluatbujd do –
Jatz sorg i mi ja scho a weng…
Da Dokta grinst: „Sie wern urojd,
falls ned a Unfoj, Blitzschlog kimmt!“
Bin ojd und miad – und frog mi scho,
ob bei de Doktas oisse stimmt ?
(nicht autobiografisch!)
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.07.2016.
- Infos zum Urheberrecht / Haftungsausschluss (Disclaimer).