Paul Rudolf Uhl
So entsteht a Versal
Manchmoj merk i an Gedankn
kemma… Is no kaum zun gspürn…
Kenn s: do wachst wos in mia drinna,
irgndwos regt si im Hirn…
Und i lass nan weita wachsn –
ojwei mehr, er macht si broat.
Hob i n dann no ned notiert, na
issa weg – es duad ma Load…
Stichwort? – Wos konn i iatzt aufschreibm?
Pfundig ! - `S Thema is fixiert…
Lass d Gedankn dazua reifn,
bis konkret des hojbwegs wird…
Ersta Satz is formuliert scho -
und an Reim find i dazua !
Sans zwoa Zeil’n, wern’s aa mehra,
vorher gib ja i koa Ruah…
Ogfangt hat s mit oan Gedankn,
ojwei mehra san s dann worn…
Schaug - wos is mia heit ojss eigfojn?
So wer’n Versal hojt geborn…
P.U. 06.08.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 12.08.2016.
- Infos zum Urheberrecht / Haftungsausschluss (Disclaimer).