Paul Rudolf Uhl
Tage der offenen Tür'
Jeds Joahr, do gibt’s ja so an Dog
„da offna Dia“ - und jeda ko
übroj fast nei; - ins Rathaus und
in de Kaserna, - toll is scho !
Sogoar ins Schloss Bellevue, Berlin
(do wohnt da Bundespräsident!)…
Und de Museen, de kostn nix…
Und aa ins Gfängns – Sakrament !
Bloß guad, dass do im Knast de Dia*
noch innen aufgeht bloß, weil ja
de Knasties raus kunntn – ned guad,
des miassad wirkli aa ned sa…
Vielleicht kunnt ma ja aa moj bei
da Bundesbank in Kella nei,
wo unsre Gojdreservn liegn?
Mecht oamoj do dabei grod sei,
und so an Barrn in da Händ
bloß gpsürn – des waar doch pfundig, gej!
Zwoa Drittl liegn in USA
und London und aa in Paris…
Schau nach bei Wikipedia, schnej !
*Türe
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 13.08.2016.
- Infos zum Urheberrecht / Haftungsausschluss (Disclaimer).