a so a Hitz!

                                     Das Klima spielt verrückt!
 
Eingli hamma des no nia ghabt,
dass im Hirgst so hoaß no werd !
Hirgst legt des scheints wohj no noch und
wenn s aa schee is, find i s gscheat:
 
Sommaferien hat s gregnt, wos
owaganga is – ja, mei –
d Schujkinda san meistns drin ghockt,
nix mit Freibad – derf des sei?
 
D Schuj fangt o – mit hitzefrei, weil s
üba dreißg Grod hat - und des
is für mi ja koa guad s Zeichn -
d Wissnschaftler wer(d)n nervös:
 
Erderwärmung, de hat zuagschlogn!
Wo des hi füahrt, wer(d)n ma sehgn…
Und in zehn Joahr, im Hochwinta
gibt’s  statt Schnee bloß no an Regn…
 
Werst scho sehgn – no im Oktoba -
konn ma Bodn im Baggersee…
Miass ma dann de Straßn spritzn
im Dezemba?  – Jehmineh !