ANDY (1967)

Mei Papa hat a Auto jatzt!
Er sogt, Goggomobj…
Da Papa sogt, dass s neinzge* geht,
er  moant, des is ned vuj…
 
Und wann i groß bin, mecht i aa
a so a Autschgal ! - Guad :
I bin erst drei und woaß no ned,
wia ma s bediena duad.
 
I konn no kaum auf d Straß naus sehgn,
daglang** d Pedale ned
und außer hupn konn i  nix -
des is scho bissal bled !
 
Doch wann i groß bin, kauf ma i
oans, des vuj schnella foahrt:
vielleicht an fünfa BMW…
Für n Papa werd des hoart !
 
*neuzig km/h   **erreiche                    P:U.  27.09.16