Paul Rudolf Uhl
Mia fojt nix ei (2)
Blödelgedicht
Und wieda fojt mia goar nix ei,
drum schreib i heit an Schmoarrn.
Es glangt grod für an Blödlvers –
i spuj hojt iatzt an Noarrn:
So bau i bloß an Wortsolod*
und schreib ojss durchanand
und schliaf – ja, und mit Fleiß iatz grod –
glei nei ins Noarrngwand…
I kunnt ja aa Metaphern schreibm,
de koana recht kapiert,
doch mecht i scho am Teppich bleibm,
dass ojss vastandn wird !
Sunst moant da Leser, i waar gscheid
und, weil er s ned vasteht,
er dümma! – Naa, es liabn Leit,
des mecht i wirkli ned…
Es is, wia s d scho vamutet host
scho glei vo Anfang rei:
I hob, weil mia nix eigfojn is,
an Schmoarrn hojt gschriebm – ja, mei!
*Wortsalat
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.10.2016.
- Infos zum Urheberrecht / Haftungsausschluss (Disclaimer).