Bernhard Guttenberger
Da Summa is umma
D’Blattln langsam geib se färbn,
finster is’s no in da Fruah.
D’Woikn oiwei meahra werdn,
da Summa, der draaht zua.
D’Sunna fast koa Kraft mehr hot,
a Herbstluft hob i grod scho g’rocha.
Da Sää hot grod no siebzehn Grod,
da Summa, der hot brocha.
Da Wind waaht über D’Hofahoima,(*1)
Da Näwe der is kumma,
S’Viech werd obtrieb’n vo de Oima (*2)
Da Summa, der is umma!
*1 Haferhalme
*2 Almen
Die Rechte und die Verantwortlichkeit für diesen Beitrag liegen beim Autor (Bernhard Guttenberger).
Der Beitrag wurde von Bernhard Guttenberger auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 06.10.2016.
- Infos zum Urheberrecht / Haftungsausschluss (Disclaimer).