ORAKEL

Da oane liest im Kaffesatz,
wos  d Zukunft eahm wohj  bringt…         
Da anda, der geht mit sein Schatz
zur „Sitzung“ unbedingt…
 
Beim „Tischal ruckn“  wer(d)n se gwiß,
ob s Kinder kriang a poa,
und ob se glücklich werdn… – Des is
dann sicher für de zwoa…
 
A andra, der hat de Idee:
der lasst si  Koartn legn
und er konn hearn: Sei Herzdame,
de mog nan scho a weng !
 
I hob für mi mei eign s System:
I glaab hoit oafach dro,
dass mir - und des is recht bequem -
nix schlechts passiern ned ko…
 
                               P.U.  22.09.05/ 06.10.16