Paul Rudolf Uhl
NACHRUF
Da Siegbert is iatzt vo uns ganga !
In n Himme nauf – min Pegasus,
do is er grittn ! - `S war sei Planga*,
den ojmoi z reitn – ganz zum Schluss…
Mei, Siegbert – mia hättn Di ja no
a Zeitl braucht, bei uns herunt !
Du gehst uns ob, Siegbert, Du fejhst so…
Woarst ojwei so a netter Kundt.
Hob oft in Deine Büachal glesn;
Da „Boandlkrama“ woar so schee !
Und aa de andan san guat gwesn…
Wia konnst denn iatz auf oamoj geh !?
Siegbert, mia wern oft an Di denga:
Bei jedn Stammtisch, Sitzweil und
wer(d)n uns no oft as Hirn varrenga,
heruntn aufm Erdenrund…
Drum dua beim Halleluja singa
uns ned vergessn, wenn ma moj
koan gscheidn Reim ned zammabringa…
I hoff, Du hujfst auf jedn Foj !
*Wunsch, Verlangen P.U. 16.10.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 17.10.2016.
- Infos zum Urheberrecht / Haftungsausschluss (Disclaimer).