Rauferei

                                                    Ein bayrisches Klischee…
 
Auf so an Dorffest, do wird grauft,
s woar ojwei so - des is ganz gwieß…
In Bayern is des fast normal:
De Burschn hau’n si gscheid ins Gfrieß*:
 
Und in da Kirch fangts o, s is woahr:
de heilig Mess, a Umzug no…
Ob Dorfplatz, Bierzejt, Wirtsstubn goar,
fangt irgndwer as Streitn o:
 
Wer mit da Scheenstn danzt iatz, des
werd oft ja mit de Fäust ausgmacht.
Wia bei da Hirschbrunft geht’s do zua -
so kimmt s, dass auf ram Festl kracht…
 
A Musi und a frische Maß,
as Hirn is laar, de Krüag san voj -
da Pfarrer legt an Wert drauf, dass
erst noch da Kircha grauft wern soj…
 
*in die Fresse, ins Gesicht                       P.U.  23.10.16
 
        Foto nicht optimal, noch mit alter Kamera aus 50m  geknipst