Paul Rudolf Uhl
Rauferei
Ein bayrisches Klischee…
Auf so an Dorffest, do wird grauft,
s woar ojwei so - des is ganz gwieß…
In Bayern is des fast normal:
De Burschn hau’n si gscheid ins Gfrieß*:
Und in da Kirch fangts o, s is woahr:
de heilig Mess, a Umzug no…
Ob Dorfplatz, Bierzejt, Wirtsstubn goar,
fangt irgndwer as Streitn o:
Wer mit da Scheenstn danzt iatz, des
werd oft ja mit de Fäust ausgmacht.
Wia bei da Hirschbrunft geht’s do zua -
so kimmt s, dass auf ram Festl kracht…
A Musi und a frische Maß,
as Hirn is laar, de Krüag san voj -
da Pfarrer legt an Wert drauf, dass
erst noch da Kircha grauft wern soj…
*in die Fresse, ins Gesicht P.U. 23.10.16
Foto nicht optimal, noch mit alter Kamera aus 50m geknipst
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 27.10.2016.
- Infos zum Urheberrecht / Haftungsausschluss (Disclaimer).