Paul Rudolf Uhl
Grauft is wordn... Scho wieda!
An Samsdog hats a Raufats gebm,
bein Kirchnwirt in Hintabrunn -
fast nix passiert, dean oj no lebm…
Heit scheint im Dorf scho wieda d Sunn.
A bissal steh i no danebm:
Mia hat oana vo hintn her
as linke Oahr ob gschnidn – ja mei –
des woa zerscht scho a weng a Gscher…
Da Bader hats mia one gnaht,
doch des konn ned des meine sei:
Weng größa is – ja, des is schlecht -
und weh duad s seither aa ja no…
Doch ned, dass i beschwern mi mecht:
Es woar a gojdns Ringal dro –
drum is mia s neiche Oahr scho recht!
Mein eig. Ohr, digital bearbeitet P.U. 15.11.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.11.2016.
- Infos zum Urheberrecht / Haftungsausschluss (Disclaimer).