groß-und Kleinschreibung

As Rechtschreibm fojt dem Maxl schwaar,
weil – wos ma groß, wos kloa ma schreibt,
findt er so kompliziat, ja goar,
dass er ganz unsicha jatzt bleibt…
 
Da Lehrer sogt dem Max, wia s geht –
ob groß, ob kloa – ganz oafach is:
„Pass auf, Maxl und lus guad zua –
des konnst dia ganz leicht merkn gwieß:
 
Am Satzanfang, do schreibt ma groß,
des andre eigntlich ojsse kloa –
wos d oglanga konnst, groß no aa;
vuj mehra is do ned zun doa !“
 
„Da Fritz hockt auf da Ofnbänk.“
„Ja, des is richti, liaba Bua!“
„De krötn und de schlange sand
ned ozglanga, do graust s mia gnua!
 
Mi n busen vo da Schwesta is
des gleiche und aa mit ihrn schoß…
Im Winta, wann guad eighoazt is,
schreibt ma den ofen aa ned groß?“