Paul Rudolf Uhl
groß-und Kleinschreibung
As Rechtschreibm fojt dem Maxl schwaar,
weil – wos ma groß, wos kloa ma schreibt,
findt er so kompliziat, ja goar,
dass er ganz unsicha jatzt bleibt…
Da Lehrer sogt dem Max, wia s geht –
ob groß, ob kloa – ganz oafach is:
„Pass auf, Maxl und lus guad zua –
des konnst dia ganz leicht merkn gwieß:
Am Satzanfang, do schreibt ma groß,
des andre eigntlich ojsse kloa –
wos d oglanga konnst, groß no aa;
vuj mehra is do ned zun doa !“
„Da Fritz hockt auf da Ofnbänk.“
„Ja, des is richti, liaba Bua!“
„De krötn und de schlange sand
ned ozglanga, do graust s mia gnua!
Mi n busen vo da Schwesta is
des gleiche und aa mit ihrn schoß…
Im Winta, wann guad eighoazt is,
schreibt ma den ofen aa ned groß?“
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.12.2016.
- Infos zum Urheberrecht / Haftungsausschluss (Disclaimer).