Jetzt schlägt's Dreizehn...

Sylvester: Ich hätte schwören können, dass es vom
Kirchturm 13 Mal geschlagen hatte… Aber als dann
der Bundespräsident in dieser schlimmen Zeit auch
noch von Frieden sprach...                                                                     

As Joahr is um – a Neichs  fangt o,
vom Kirchturm hat s  zwöjf Schlog no do,
und scho  woars  aus  mi n  ojdn Joahr…
Hob gmoant, s schlogt dreizehn Moj sogoar!
 
Naaa! – Hob mi deischt, des duad ma leid:
Raketn,  Bölla,  Glockngläut…
“Prosit Nei Joah!” – A so a Gschroa!
Do konn ma  si  scho  moj  vadoa;
 
Bin wieda zruck, in d Stubm  nei,
(do werd doch no a Sekt wo sei?)
Und dann ins Bett – für heit is gnua…
Es glangt, i mecht  grod no mei Ruah!
 
Dogs drauf hat unsa Präsident
in seina Red (hob fast no pennt)
vom Friedn in da Wejt wos gsogt….
Glaub, dass jatz  wirkli  Dreizehn schlogt!
 
          Foto Uhl                                                      01.01.07