Irland

San mia moj in Irland gwesn:
Grea* is ojss do, ziemli schee…
Mit n Bus dann üb’roj rumgfoahrn,
und vuj gregnt hat s – jemineh!
 
Moher Cliffs und Gletscherschliffe,
Dolmen, Ring of Kerry, Burren,
Kylemore Abbey hamma gsehgn aa.
S Bier ist teia**, ohne Murren
 
muaßt as zohjn, do hejft dia nix.
Doch des Guinness is hojt guad!
In da Pup werd Musi sgpujt und
graucht wird – mei, do lupft s dia n Hut!
 
Und des Castle vo Bunratty
muaß ma gsehgn ham - aba aa
mindestens oa Whisky-Firma
und probian dann – des muaß sa!
 
Dublin: Banken ham se ziemli
vuj. A U-Bahn aba koane
(Untagrund mit Wassa voj) - und
Kirchn ham se ned grod oane…
  
*grün    **teuer                                         P.U.  24.01.17