Weidnkatzal

                                                             (Weidenkätzchen)

Botn san des scho vom Auswärts*-

heit hob i scho wejche gsehng ! 

Samtig sans und schee zun Oschaun !

Bin begeistad aa desweng…

Und scho is mei Frühlingssehnsucht

aufgwacht – und mia kimmt ins Hiarn:

`S liegt no Schnee – wia lang werd s dauan,

bis de Schneegöckal dann bliahn?

Doch i tröst mi min Gedankn,

dass zwar morgn ned soweit is,

aba gfrein kenn ma und iatzt scho,

weil da Auswärts kimmt ganz gwieß !

*bayr.: Frühling                                               P.U.  12.02.17