BÄREN im Freigehege

Im Wojd hint, do bei Neuschönau*,

do konn ma Bärn bewundan – und

zwoa Junge hat de Bärin kriagt -

zun hi geh is des doch a Grund !

De Jungbärn san a Joahr iatzt ojd,

und miassn gsäugt wer(d)n ojwei no…

Da Bärnmuadda is s lästig bojd,

de hängan  ojwei an iha dro…

Und wann se grod moj nimma mog:

De Junga jamman, wos grod geht.

Gedujd braucht ma, mecht ma des sehgn

und staad sei muaß ma, sonst geht s ned…

                                                                                   Foto Uhl

*im Bayrischen Wald                                         P.U. 17.02.17