Wo kimmt da Heni* her?

Da Franzl,  der is iazt sechs Joahr

und liabt an Heni* – Sappralot !

Jedn Dog mog er a Heni-Brot

zun Frühstück – manchmoj sogoar zwoa !

Und weil da Opa ojsse woaß,

frogt er; „Wo kimmt da Heni her -

konnst  mia des sogn, i bitt di sehr?“

Dem Opa, dem werd s kojt und hoaß:

„Ähm – Franzl- hast scho Biena gsehgn,

de sammen Blühstaub vo de Baam

und vo de Bleame hojn ses zamm

und trogn s in Stock hoam, ned grod weng.

Do mischn se s mit Speichel dann

und speibn s so in de Wabn nei.

Des is da Heni - iatzt woaßts glei…

Des is, wia s i erklärn dir kann !“                                                                

Dann isst da Opa s Gulasch no;

des riacht scho, is vo letzta Woch !

Weil ma nix wegschmeißt, isst er s doch…

Na werd s eahm schlecht, ja sowieso!

Da Opa speibt, da Franzl frogt:

„Mensch, Opa machst an Heni heit?

Der riacht aba ned wirkli gscheit !“

Da Opa hat drauf nix mehr gsogt…

*der Honig               P.U.  19.03.17      Bild Honigbiene