Paul Rudolf Uhl
Boarischer Leberkas*
.
Da Lewakas in Bayern is
beliebt – mia schmeckt a wirkli guad
und gsund issa, des woaß i gwieß,
drum ess i n aa mit frischn Muat !
Ja, und – s Rezept, des is geheim.
Doch Leber is do koane drin
(Kaas aa ned – geh ned auf n Leim !)
und trotzdem i begeistad bin!
S is Eiweiß, Fett, Kohlehydrat,
Ballaststoffe (de doan ned weh!)
Aminosäuren und Sulfat,
de Vitamine A und B…
Aa C - glaubt s ma s – D, E am End…
Gewürze (hebn an Appetit)
und Wasser, über fuchzg Prozent
is drin, vastehst – do wett i mit !
A dicke Scheibm in d Semme nei:
Ojs Mahlzeit langts (fürn ganzn Dog?).
A Hojbe Bier dazua – ja, mei –
jatzt woaßt, warum i eahm so mog!
*wegen der Laibform auch Loabikas genannt, Leber ist nicht
enthalten, Käse auch nicht… Kas steht für kompakte Form!
P.U. 22.03.17
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 23.03.2017.
- Infos zum Urheberrecht / Haftungsausschluss (Disclaimer).