Paul Rudolf Uhl
De Starl sand wieda do !
A ganza Schwarm kimmt heit in Goartn -
ja, Leit - de Starln sand wieda do!
Mia dean ja lang scho auf se woartn,
mit eahna geht erst s Früahjoahr o !
A Frühling ohne Starl waar lätschad,*
weil d Starnmanndln lusti sand
zun Oschaugn, wanns um Weibal werbn:
wia Kaspal hupfn s umanand…
Se schrein und pfeifn, wos grod geht und
ja, flattern, quietschn, jammern goar…
Fiuuu, fiuuu, so heart ma s pfeifn,
wia s ollawej da Brauch scho woar.
Und weil se schillern und schee tupft sand,
find i se liab und int’ressant…
*kraftlos, langweilig Foto: Uhl P.U. 30.03.17
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.04.2017.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)