Paul Rudolf Uhl
Erleuchtung
Um hojbe achte in da Friah
bin an Balkon i iatzt moj naus…
und üba m Kirchturm – schee wia nia –
schaugt d Sonn so durch de Wojkn raus !
Saugt do da Turm Erleuchtung o?
Schickt da Antonius an Gruaß
an „sei Kirch“, weil Patron er is -
und d Hand er drüba hojtn muaß?
An Augnblick lang woar s grod so…
A Fingazoag vom Herrgott drobm?
A Zuafoj* konn des sei(n) aa no…
Den Fotografn derf ma lobm !
D Natur is herrlich mei, oh mei -
und a Symbolkraft hat des gwieß…
I gfrei mi und muaß dankbar sei,
dass s Bujdl pfundig wordn is…
*Zufall P.U. 03.04.17
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.04.2017.
- Infos zum Urheberrecht / Haftungsausschluss (Disclaimer).