die NASA

De NASA braucht ja a Labor,

wo absolut ojss staubfrei is,

auf dass s Gerät im Wejtraum draußt

dann wirkli  funktioniert ganz gwieß…

Do trogn d Leit Mundschutz, Hoarnetz und

se miassn durch  a Schleusn nei,

dass ja koa Staub in d Werkstatt kimmt…

Bei uns im Schlafzimma  kunnt s sei,

dass oisse voj mit Bliahstaub is,

und  mia ham d Fensta ojwei off*

(weil d Frau vuj  Sauastoff ja braucht)

Deswegn gibt’s scho a diamoj** Zoff…

Mei „Werkstatt“ is  voj Pollen und

mei NASA L spujt varruckt und  i

muaß niasn wia da Teifi… – Gsund

is des gwieß ned – ja Sakradie !

Solang de Polln do umma fliagn,

bräucht i an Fensta-Filter. - Goar

an Raumanzug vom ISS,

und  Schleusntür – ja, wirkli woahr !!

*offen    ** gelegentlich                                      P.U. 03.05.17