Paul Rudolf Uhl
SOLDATENFRIEDHOF
(Pazifismus)
Sojdatnfriedhöf hob i vuj gsehgn…
De Kreiz stehn eng do beianand.
Liegn lauta junge Manner drinna.
San gstorbn „für Gott und Vaterland“…
Oda für Machtint’ressn, oda
für sonst irgnd an bledn Schmoarrn…
Se sejba waarn ja friedlich gwesn -
befohjn ham s meistns sojche Noarrn
wia Cäsar, Kaiser oda Land‘sherr‘n,
wia Alexander oda goar
Napoleon und aa da Hitler,
a Papst* und Bischöfe sogoar!
Kazike, Indianahäuptling,
der Gustav Adolf hat‘s aa do!
De kloana Leit, da san vahoazt worn!
Reich wordn: de Groußn, sowieso…
Drum wenns moj wieda hoaßt: a Kriag is,
na gehst am bestn goar ned hi…
Glaab oafach mia, wos i dia sog iatzt;
A Kriag is pure Idiotie!
*Papst Urban II: Aufruf zum 1. Kreuzzug 1096 P.U. 05.06.17
Bild: Kriegerdenkmal in St. Petersburg Foto Uhl
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 06.06.2017.
- Infos zum Urheberrecht / Haftungsausschluss (Disclaimer).