De französisch' REVOLUTION 2017

Domois, in siebzehnneunadachtzg

is s Vojk aufgstandn, do woarn s bös,

ham de Bastille gstürmt, aufn Schlog -

de Monarchie woar recht nervös…

Vor a poar Dog, do woar s so weit

scho wieda, bloß so blutig ned…

Ganz demokratisch, bei da Wahl

und de Le Pen, de schaugt recht bled…

As Vojk mecht s ned so rechtsextrem.

Da neiche „König“ hoaßt Macron

Der is sozial und liberal -

ja, und sei Mannschaft kennt ma scho(n):

San Wissnschaftler, Lehrer und

vanünftige und gstandne Leit

do gibt s zun Hoffn guadn Grund.

I glaab scho, de regiern dann gscheid…

Und da Macron, der stejt si ned

so o, wia „drent“ da Trump Donojd,

der oiss grod durchananda bringt…

Bin gspannt – vielleicht wird der ned ojd?

Bild ©  Wikipedia, gemeinfrei                                               P.U.  12.06.17