DROHNEN

                Eine beinahe autografische Geschichte:

Bin i gesdan – i sog s ehrlich –

z Garmisch am Marienplotz

auf da ojdn Parkbank  gsessn,

untahojt mi mit ram Spotz…

Noch ra Weil, do  bin i dürsti,

drum mecht i in d Schrann*  nei geh…

Rumped mia a so a Drohna

an mei Hirn hi! – Goar ned schee!

 „Herrgott!“ schrei  i - (bin daschrockn)

„So a Glumpzeig! – Derf des sei !?“

Und weil s grod vor mia am Bodn liegt,

schmeiß i s glei in Abfall nei…

Weit und broad is neamds zun sehgn, der

des vaflixt  Glump gsteiad hod…

Werd eahm scho davo sei! – Freili –

Funk geht ned guad in da Stodt…

„Glück ghabt!“ denk i  „s kunnt ins Aug geh!“

Kriag an Pinkl auf da Stirn…

Dass ma sowos kaffa derf, des

konn i oafach ned kapiern !

*Schranne; ursprünglich Kornspeicher, heute Gasthaus

                                                               P.U. 25.07.17