Paul Rudolf Uhl
Weibliche Schönheit
Frauen gibt s ja ganz vaschiedne:
Greislige – normale – scheene…
Unansehnliche gibt’s wenig –
Meistns sand se „molto bene“!
San s jatzt Brave oda „Resche“,
mecht i heit ned drüba redn…
Wannst se ärgast, wer(d)n se hantig* -
des finds d aba bei na jedn…
Grod de Schönheit is iazt gfrogt und
do gibt’s Untaschiede scho…
A Naturschönheit gibt s öfta,
dass ma grod no stauna ko…
Aa d Figur, de reizt uns Manna:
Schlank, mit guade „Kurvn“ dro,
oda grod a wengal mollig,
dass ma s no dastemma ko…
Manchmoj konnst ned untascheidn,
is de echt schee - oda gschminkt?
Nix dagegn zun sogn is dann, wenn
ma s ned gspannt glei unbedingt…
Schlimm is grod, wann se as Rouge hat
auftrogn dick, ojs wia Beton…
So oane kunnt i ned bussln -
Naa, i laffad** glei davo(n) !
*lästig, verärgert **liefe ich davon P.U. 31.07.17
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 31.07.2017.
- Infos zum Urheberrecht / Haftungsausschluss (Disclaimer).