IM ORBIT

De Pilotnprüfung hob i

glatt bestandn – hätt’s  net glaubt!

D Lufthansa hat eigestejt aa mi,

gfeiad hob i, dass glei staubt…

Ersta Flug woar Minga*- London

und i woar ganz wujd scho drauf.

S Höhenruada klemmt, hob Gas gebm -

trogt s uns bis zun Mond glei nauf!

Bin im Orbit hänga bliebm –

Wia kimm i do wieda weg?

Und zwoahundat Fluggäst mechtn

schnej auf London – so a Dreck!

D Luft langt grod no für 2 Stundn,

Sprit für drei no – Sakradie!

Wann mia iatz nix eifojt, san ma

olle in zwoa Stundn hi!

Hob i in mein Ärme neiglangt

und i ziahg an Joker raus.

Bin sofort im Bett drin aufgwacht –

so a Traum, des is a Graus!

*München               © dpa/picture alliance                 P.U.  08.08.17