Perseiden 3

Heit soj s Sternschnuppn ja hagln –

D Medien vakündn s laut.

Und wia s finsta worn is, hob i

streng an Himme auffe gschaut …

Dicke schwoarze Wojkn ziahgn do,

Stern und Mond woarn ned zun sehgn

und aa koane Perseidn,

aa ned wegn dem stoarkn Regn…

Kamadn*  vom Sternbujd Perseus –

Wenigstns  schaugat s so aus**…

Vo woher se wirkli kemman,

woaß i ned – mach mia nix draus!

I glaab eh ned, dass ma se wos

wünschn konn, und dass aa kimmt…

Ojso konn s mia wirkli wurscht sei -

Aberglaubn is s bestimmt!

Doch, woher se wirkli kemman,

hätt mi scho moj intressiert…

Ob des Wissen mia wos nutzad,***

glaab i ned – i bin frustriert…

*kämen    **sähe so aus     ***nutzte    P.U. 13.08.17

*Sie kommen vom Kometen 109P/Swift-Tuttle