ARENA

Neinzehnhundat zwoara siebzg ham s

für d Olympiade z Minga*

a phantastisch s Stadion baut…

Und i hears aa heit no klinga

de olymisch Hymne. - Pfundig!

Stadion: - A Streck is gwesn,

knapp zwoahundad Meta lang,

so a Laufstreck – hob i glesn…

Auf so Bahnen ham se austrogn,

wer am schnejstn renna ko;

Fair und friedlich woarn de Wettläuf…

Manchmoj is ja heit no so…

Heit zdog** baut ma koane Stadien.

Naa – ARENA wer’n se gnennt

Und se san ja wirkli riesig…

Kolosseum glei am End?

Rom und aa Gladiatoren

kemman mia do glei in Sinn,

weil ARENA riacht nach Bluat und

umbringa dean sa se drin!

Und – tatsächlich – scho beim Fuaßboj

sehgt ma Hass und Schlägarei:

Drin und draussn und danoch no,

Tausnd Mann braucht s Polizei!

*München      ** heutzutage                         P.U.  18.08.17