Paul Rudolf Uhl
SCHWAMMERL
S woar eingli goar koa Schwammal-Joahr:
Da strenge Frost im Friahjoahr und
da Somma trockn – hoaß sogoar,
da Hirgst vuj z kojt – des is da Grund…
De bestn Schwammalplätz woarn laar;
so mancha Suacha* hat fast plärrt,
dass des a Mords-Enttäuschung waar!
Da Schwammalgott woar heia gscherd…
Trotzdem san mia a letztes Moj
min Weidnkörbal nei in Wojd…
A so a Übaraschung – Hoj!
As Körbal voj und obm drauf hojt
a Riesn Dowanigl,** der
ins Guinnes Buach fast eini gheart!
Doch mia san staad, mia megn koa Gscher.
A Bujdl aba is scho wert!
*Sucher, Pilzsammler ** Steinpilz, auch Gschlochtal P.U.25.09.17
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 27.09.2017.
- Infos zum Urheberrecht / Haftungsausschluss (Disclaimer).