Ozapfn..

Wirtshaustür: i konn ned nei -

les: „Heut‘  ist geschlossen!“

Sakra! – Iazat  stinkts mia fei –

und i bin vadrossn:

So an Durscht, wia i heit gspia,

so oan hob i sejtn…

Doch da Wirt konn nix dafia:

Hochzeit is zun mejdn*…

Aba an da Goartnbar

kunnt a Bier no drin sei…

I probier s glei… – Wundabar:

Druck is drauf - mia lafft wos nei!

Wenn des aa koa Bierglos is,

konn i doch draus dringa…

Prost – an Rausch gibt des ganz gwieß

und an Wirt werd s stinga…**

*zu melden    **er wird sauer sein     P.U.  10.10.17