a Kunstwerk

In a koitn Nocht is gwesn -

wengal Schnee und ziemli Frost -

hat da Winta mia wos gschenkt und

des hat ned oan Cent mi kost:

Oan Stoa vo da Goartnmauer

hat er mia zun Kunstwerk gmacht!

Und wia in da Friah i s gsehg n hob,

hat mia scho as Herzal glacht!

So a Gschenk, des kriagt ned jeda!

Hob s aa glei fotografiert,

weil a Tauweda war ogsogt*

und, dass fünf - sechs Grod woarm wird…

So a „Edlstoa“  is pfundig

und des Musta is a Schau!

Des muaß i glei meine Freind zoagn,

eh s mia zamm schmujzt. – Ja, genau!

*Tauwetter angesagt                                               P.U.  17.01.17