FROSTMORGEN

„Saukojt is iatzt wieda gwesn,

de Nocht, do in Wegscheid hint!“

Fluacht da Sepp, mi dem i gredt hob,

der des goar ned lusti findt.

Bin i hi gfoahrn und hob gstaunt, wia

schee da Frost de Landschaft macht!

I find, des is scho a Kunstwerk -

und hob s knipst, de ganze Pracht…

Dogs danoch hat s Taun* dann ogfangt,

woar de scheene Pracht dahi…

Wann ma woaß, wia schee des zerst woar,

fojt ma fast in d Elegie…

Guad, dass i s fotografiert hob!

Drum konn i s an jedn zoagn…

Doch, es kunnt ja wiede frostln -

ebba** goar scho übamoargn?

*angefangen, zu tauen   *etwa                            P.U.  29.01.18