Paul Rudolf Uhl
Nobody is PERFECT
Mei – an Fehla macht wohj jeda…
Do dagegn is koana gfeit,
aba jedn Dog zwoa, drei, des
fiahrt hojt oafach doch scho z weit.
Weil: A Fehla bei da Vorfahrt
kunnt a diam* scho gfährli sei.
Stej da vor, es foahrt dia oana
seitlich in dei Auto nei!
Torwartfehla: des is greisli,
weil dann dei Varein valiert…
Kunstfehla ojs Dokta: schlimm is,
mancha is scho dro krepiert…
Druckfehla: des is ja meistns
goar ned wirkli richtig schlimm…
Aba wenn statt „ein Uhr“ drei steht,
konn s sei, dass vuj z spät i kimm.
Fehla machan olle Menschn,
wurscht, ob Bayer oda Preiß…
Bist a Bayer, reiß di zamm und
mach hojt möglichst wenig Sch…
*manchmal, gelegentlich P.U. 13.02.18
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 26.02.2018.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)