Paul Rudolf Uhl
KONVERSATION
Wia guad, dass mia des Weda* ham,
sunst hätt ma nix zun drüba redn.
Wann s d zu wem sogst „Mei, heit is hoaß!“,
na kimmst sofort mit Menschn zamm
und konnst aa bei ananda steh(n)…
A Small Talk is, wia jeda woaß…
Sehgst du wen - mit n Hund dabei:
„A schena Hund! – Wia hoaßt a denn?
Ja – und wos is des für a Rass?“
So kimmt ma leicht ins Gspräch dann glei:
„Der is no jung, wia i des kenn!?“
So obandln is oafach Klass…
Und - s geht aa mit da Politik:
„De Merkl mecht no vier Joahr bleibm!“
Ja – oda: Kimmt iatzt bojd de Maut?“
Ned schlecht is aa a weng Kritik:
„Mei – wos de SPD-ler treibm!“
So mancha werd beim Thema laut…
So unta Frau’n: as Thema „Mo“, (Mann)
do drüba redn is aa recht sche:
„Da mei woar gestan wieda blau!“
„Und meina erst – der nimma ko –
der miaßad** moj zun Dokta geh‘!
So redt ma gern - vo Frau zu Frau…
De Hauptsach, dass iatzt gredt wor(d)n is,
Konversation vabindt ganz gwieß…
*Wetter **müsste P.U. 26.02.18
Vorheriger TitelNächster TitelDie Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 21.03.2018.
- Infos zum Urheberrecht / Haftungsausschluss (Disclaimer).