Paul Rudolf Uhl
Boarische WEISSWÜRSCHT
A echte boarisch Brotzeit is!
A frische Brezn gheart dazua,
a Weiznbier, des is ganz gwieß,
a Weißwurschtsenf… I kriag ned gnua!
Zwoa vo de Würscht, des is ma z weng,
drum bstej i mia aa ojwei drei…
I kannt mi um se uma legn…
A vierte packad i – oh, mei…
Touristn essn s ja mit Bsteck
und stejn dabei si deppad o…
Se flutscht vom Tella – ja, varreck –
und liegt am Bodn glei - sowieso!
Da Wirtshund kennt des und schnappt zua,
der frisst s glei ganz ohne Pardon…
So hat de arme Wurscht ihr Ruah
(des is sei vierte Wurscht heit scho!)
Drum zuzln s d Münchna oafach aus,
dass des Malheur eah ned passiert –
im Grand Hotel, im Hofbräuhaus,
do zuzlt ma ganz ungeniert…
P.U. 16.03.18
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 23.03.2018.
- Infos zum Urheberrecht / Haftungsausschluss (Disclaimer).